بيان فكاهي

هذه القصيدة هي قصيدة رسمتها لتكون صورة حقيقية للأسرة السعودية أسرة آل بني قريضة . فهذه الأسرة ترى أنها تملك الأرض والبشر عبيداً لها وأن جميع السكان يعتبرون فى خانة ما ملكت يمينها . فتعالوا معنا نتابع هذه القصيدة وهي عبارة عن بيان صادر عن الديوان الملكي من قصر الملك عبدالله : صدر عن الديوان الملكي البيان التالي بلغة العامية السعودية .
 بعد الإطلاع نرجو أخذ القرار

بعون الشيطان المعبود..حنا الحكام آل سعود ..أهل العزة والصمود ..يالشعب الجاحد الغدّار هذا بيان سريع..مُوجّهٍ للجميع..واللي ما يسمع ويطيع..يشوف شيء ماقد صار
نشوف إن الحكي زاد..داخل وبرّا والبلاد..وكثر كلام الحساد..كثر تلفيق الأخبار
منشورات وكاسيتات..بالدواير والحارات.. وبالشوارع خذ وهات..ما خافوا سر وجهار
تعلمت هالبدوان..مبادىء حقوق الإنسان..ديمقراطية ولجان..وقوله حنا احرار
من عقب ما هم يرضون..باللي يسدّ البطون..ويحمدون ويشكرون..مثل الكلب بباب الدار
قالوا وين الملايين..وحصيلة كل هالسنين..فهد ونايف وسليطين..مصوا خيرات الديار
وقالوا راح الإحتياط..ببطن فهد هالشفّاط..وخلاّنا على البلاط..ديوننا بالمليار
وقالوا ضعنا مع هالأسرة..ولاطلنا منهم شعرة..ولا حصلنا ياحسرة..غير الدّين ورهن الدار
أسرة بالآلاف تعد..وكل ورع وحرمة وفرد..عددهم ماله حد..وهم في بلدنا التجار
واحدهم مايرضى غير..بمستوى المليونير..لو أنه جاهل غرير..ومشغول بقنص وقمار
طيّب وش يبقى للشعب..بعد المخابط واللعب..والمسابق على النهب.. حرامية كبار
وهذا كلام خطير..يبي له سيف شطير..يخلي راسه يطير..للي ينقل هالأخبار
حجازي ما له أمان..وأهل الحساء والقصمان..ونجوس نجد الشهبان..وأهل الجنوب الأشرار
حنا خذناكم بالسيف..بالغضب ماهو بالكيف..ومن عنده قولة ياحيف..يصك راسه بألف جدار .
لنا الحق بحجاز ونجد..نارتها أب عن جد ..وناكل منها بلا حد..وصكنا السيف البتار
إن جاءكم منا مصروف..فخير منا ومعرف..وأنتم في ديرتنا ضيوف..وحقكم حق الخطار
إن جاءكم مِنّا شيء..لايصير بالخاطر شي..ولو ما بقى منكم حي..حنا في مالنا أحرار
ما حد له عندنا حق..من مشروع أومرفق..غير أمريكا اللي يوثق..فيها إذا الزمن جار
بوش لو يبي دولار..الكنجرس لف ودار..وعيا يعطيه القرار..الا بعد أخذ الأشوار
يروح يشيل السمّاعة..على حكومتنا الشماعة..ويلقى منها سمع وطاعة ..وتحوّل له كم مليار
قبل ما يموت فهد اشترى طيارات..وسلاح ودبابات..من الغرب بمليارات..بلا حاجة واضطرار
ونيته نية خير..يبي الخير الكثير..للنصارى المعاسير ..خيره لعيال الكفار
حنا أشعلنا الحروب..شمال وشرق وجنوب..وعوضنا هالشعوب.. ماصابهم من دمار
على العراق وإيران..ويمن وكويت وسودان..وسوق الأسلحةزان.. واسترزقت هالكفار
فهد وزّع ملايين..مصاحف للمسلمين..وموية للزايرين..وصيته بالعلالي طار
وقبض ثمنها بالحال..من ثروات الأجيال..وحقهم بالأموال..أكله مثل المنشار
بترولكم نزحناه..ويم أمريكا وديناه..ومهد الذهب نظفناه..ولاخلينا بذي الدار
إلا مباني خرسانة..وطرق ومرافق خربانة..ولايكفيها صيانة..ولا تسعين مليار
الأرصدة في البنوك..في أوروبا ونيويورك..بأسمائنا والصكوك..ما باقي إلا بقرار
والزبدة يا عيال الناس..استعدوا للإفلاس..كل الضروع يباس..والدنيا إقبال وإدبار
الصوامع والتموين..والرواتب كله دين..سددوها أنتم بعدين..عد ما نفارق الدار
ما لنا فيها مقام..ديرة صارت حطام..وفيها غراب البين حام..وخيرها ولى وطار
هي مزرعو ورثناها..يوم أقفى ماها وجناها..حنا عفناها وبعناها..يوم اقتصادها انهار
نشيل منها ماخف.. وزنه وسعره كلف..وبالباقي مالنا شف..خلوها منا تذكار
حنا ديرتنا في المغرب..هي مزبنا وهي المهرب..الى من الجو تكهرب ..وديرتكم شبت نار
جهزنا بالمغرب ملفى..قصور ومطار ومرفى..وسقنا فيها ذهب مصفى ..من ثروتكم ياشطّار
حنا تركنا لكم هدية..لكم من أسره وفيه..عقيدة إسلامية..بس ارفعوها شعار
وحكم الشريعة دستور..طبقنا منه سطور..وأنتم عليكم الدور..بالباقي والله غفّار
والله والله ياليهود..عطيناكم العهود..على استمرار الجهود..بتطبيع وحسن الجوار